أنا لاحظت أن بنات كتير هنا نفسها تعمل واتس آب وفايبر بس معندهمش موبايل أنرويد
أو لسه مفيش امكانية انهم يجيبوه دلوقتي ونفسهم يكلموا صحباتهم وأزواجهم على الواتس آب ولافايبر والتانجو فيديو كول فنا اكتشفت الطريقة دي من فترة كبيرة وشغالة بيها بقالي كتير
دلوقتي حولي جهاز الكمبيوتر ووصله النت العادية لموبايل أندرويد لاقط واي فاي كمان
والموضوع دا قلت أفيد بيه الفتوكات حبيباتي الى اشتكوا كتير من انهم مش قادرين على تمن الموبيلات الجديدة
ركزي معايا يا ستي أنتي وهي همشي خطوه خطوه محدش يقع مني
بصي يا قمر فيه برنامج اسمه Bluestacks
دا عبارة عن برنامج اسمه Emulator بيعمل محاكاه لبرنامج الأندرويد يعني اكنك قدامك الشاشة المربعة دي بتاعة الموبايل بس على جهازك وتقدري تنزلي فيه كل برامج الأندرويد الى نفسك فيه وكمان احلى ميزه فيه انك لو اتكلمتي منه فيس بوك ولا كدا بيبن أنك من موبايل
غير كدا كمان انه بينزل من موقع سوق جوجل طبعا الموقع دا عشان تنزلي منه لازم موبايل المفاجأه بقى انك لما بتدخلي من جوا البرنامج على سوق جوجل بيقراه اكنه موبايل بالظبط وبتنزلي كل البرامج الى بتحبيها
ها شوقتكوا؟ ها مستعدين تنزلوه معايا ؟ يلا بينا نتكل على الله
أول حاجه يا ستي هتدخل على صفحة الموقع من اللينك دا
www.bluestacks.comوبعدين تنزليه تابعي معايا الشرح بالصور الجاية
(الصور من الكمبيوتر الخاص بتاعي وفيه حاجات بسيطه هجيبها من النت وهقول عليها)
2- هنزله في مكان نكون عارفينة وبعدين نشغله أول لما ينزل ونشغلة أكننا بنسطب أي برنامج
عادي ونستنى لحد ما يدينا الشاشة دي ولما تيجي هنسيبه بقى براحته يعمل داونلود لحد ما الشريط الأخضر الى تحت دا
يخلص
بعد لما يخلص هجيب سطح المكتب عندي DEsktop وهلاقي الأيقونة بتاعته ظاهرة
زي الصورة الجاية دي
3- هندوس عليه كلكتين وهنفتح البرنامج هيدينا الشاشة دي بتاعة البدء
بعدين هنستنى لما يخلص هنلاقية عمل الشاشة دي وكدا يبقى مبروك عليكي البرنامج اتسطب وبقى عندك اندرويد على الكمبيوتر
فيه مربعة خضرا كدا مكتوب تحتها سيرش شايفينها على الشمال فوق المتعلم عليها دايرة هندوس عليها وهنكتب فيها مثلا Whatsapp
زي كدا
هتظهرلنا البرامج نختار البرنامج الى احنا عايزينه وبعدين ندوس عليه من القايمة الى بتنزل لتحت دي هيدخلنا على جوجل بلاي زي كدا وندوس install عادي كأننا هنحمل البرنامج على الموبايل ونستني لما ينزل
كدا تمام نستنى لما البرنامج الى احنا عايزينة يحمل وهنلاقيه مكتوب زرار عليه open نفتحه منه او بينزل ايكونته على البرنامج زي كدا
ولو عايزه اجيب كل البرامج الى نزلتها على الجهاز يبقى لازم نعرف كل زرار في ابرنامج بيعمل ايه هو حاطط زراير زي زراير موبايل سامسونج التاتش وانا وضحت عمل كل زرار في الصورة الى جاية
وبكدا يا ستي مبروك عليكي الموبايل الأندرويد ببرامجه وكل الى انتي محتجاه بس نسينا حاجتين مهمين أوي ودول هيبقوا عائق قدامك في أول استخدامك للبرنامج وعذبوني لحد ما اكتشفت حلهم لكن هقدمهولك على طبق من ذهب أهو
هو ينفع يكون في موبايل من غير اسامي وارقام ناس أو صور تعمليلها شير؟
هتخدلي ازاي الحاجات دي على البرنامج دا
سهله وبسيطة أول حاجه يا ستي ازاي تدخلي الأرقام عشان يبقى عندك ناس تلاقيهم على الواتس آب ولافايبر
حضرتك هتفتحي الواتس آب وتعملي كالتالي
دخلي بقى كل الارقام الي انتي عيزاها والى بتحبي تتكلمي معاها كلها بنفس الطريقة ولما ترجعي تفتحي واتس اب هتلاقيه عامل ريفريش ومطلع الناس عندك ومبروك عليكي يا قمر الواتس أب الجديد والفايبر والتانجو فيديو كول وأي برنامج تاني أندرويد
باقي خطوة واحدة بس عشان يبقى موبايل كامل وهو تدخلي عليه صور ازاي بسيطه اوي
هننزل عليه برنامج اسمه ES File Explorer
هتلاقوا ايكونته فوق أنا منزلاه وبصوا للصور عشان تعرفوا بستقبل عليه الصور من الكمبيوتر ازاي
لو مثلا عايزه تحطي صورة من الكمبيوتر على الواتس أب
كدا بقى عندك موبايل أندرويد كامل متكامل
ومبروك عليكي يا قمر وكل واحده مكنتش عارفه توصل لجوزها وخطيبها المسافرين
ولا اي واحده مش عارفه تتجمع مع صحابها البنات على الواتس أب عشان معهاش موبايل اندرويد مشكلتك أتحلت اهي
انا تعبت أوي في الموضوع عشان اعمله
وبقالي اكتر من ساعتين شغالة فيه
وحبيت افيد بيه حبايبي لأن فيه ناس بتشتغل حتى من خلال الواتس أب والأندرويد
انا بس مش عايزه أي حاجه غير دعوه حلوه منكوا ليا أن ربنا يجمعني بأحمد ونتخطب قبل السنة دي ماتخلص والمشاكل تتحلالى موقفة الموضوع وأن أخوه ربنا يشفيه من المرض الخبيث وان ربنا يهدي بابا وماما ويصلح الاحوال بينهم وان ربنا يرزقني ولكم جميعاً مثلها ان شاء الله
وأي سؤال أنا في الخدمة يا قمرات متنسوش التقييم