عصير كوكتيل سهل وبسيط والطعم روعة

المقادير

كيلو ونص تفاح

كيلو مشمش

كيلو شمام

كوب ماء

كوب صغير سكر (ممكن نستغنى عنة)

وكمان حوالى كوب ونص سكر صغيرين( دة اساسى بقى)

ياريت تبقى الفاكهة مش جامدة تبقى طرية شوية
لو مفيش مش مشكلة

هنغسل الفاكهة ونقشر الشمام ونشيل البذر منة
ونقطع التفاح ونشيل القلب
وكمان المشمش هنشيل البذر

نجيب حلة على اد الكمية
ياريت تكون استانلس لو مفيش خلاص اللى عندك يمشى

هنحط عليهم

كوب ماء وكوب سكر
(لو مش عاوزة تضيفى السكرفالمرحلة دى ممكن)
ونحطهم على النار



هنسيبهم لحد ما يبدا يغلى والفاكة تنزل المية
طبعا هنقلب كل شوية

ونهدى عليهم النار
وبردة نقلب كل شوية

لحد ما نحس انهم خلاص مبقاش ليهم ملامح
ههههههههههههههه
اتهروا يعنى


تمام كدة هنظفى النار ونسيبها تبرد خالص

هنجيب الخلاص ونحضر الاكياس والسكر بتاعنا


هنحط كمية مناسبة فالخلاط ونضرب العصير


اما تيجى تعملية
بتخففية بكمية مناسبة من المية ويتقدم

وبالف هنا وشفا