الهوت صوص بالصور والتفاصيل المملة

ازيكم يا احلى فتوكات ف الدنياء وحشتونى اوى
للناس اللى بتحب الحجات الحامية
انا عملت هوت صوص مولع اوووووووىواااااء
دى دموع الفرحه والحرقان اللى ف بقى
اصلى بحب الفلفل ده اوى



مش هرغى كتير تعالو ورايا
على المطبخ

المقادير :-
ربع كيلو فلفل احمر حار
و4 ملاعق صلصة
نص كوب ماء
م/ص ملح
م/ص فلفل
م/ص سكر
وربع كوب خل
يمكن استبدال الفلفل الحار بفلفل حلو مع اضافة شطة ناشفه

الطريقة :-

1. هنجيب الفلفل الاحمر الجميل ده بما ان ده موسمه نستغله بقى



2. نشيل القمع بس ونسيبه ببزره كده



3. ونقطعه ناعم اوى كده



4. وكان عندى حبة طماطم مسبكة من قبل كده



5. نحط عيهم الفلفل المقطع كله ونقلبهم على البارد




6. ونحط السكر و الملح



7. والفلفل الاسود



8. و الصلصة والميه والخل ونقلبهم




9. نحطهم ف الخلاط ونضربهم لحد ما بنعموا اووووووووى
ده شكلهم قبل الضرب



وده شكلهم بعد الضرب



10. ونحطهم يغلو غلوتين على النار لمدة 3 دقايق ونسبهم يبردوا ونجيب ازايز او بطرمنات نظيفه





11. بصوا قوامه عامل ازاى ولونه غنى جدا وطعمه مولع وبالف هنا ع قلبكوا






متنسوش بقى التقييم مش هتبقوا انتوا والهوت صوص
وكل سنة وانتو طيبين