العيش الشامي لزوم سندوتشات المدرسة و في الطاسة

بعد السلام و الذي منه يا بنات و برغم اني مقموصة منكم عشان الموضوع بتاعي بتاع التوست وقف نموة في ظروف غامضة عند صفحة 3 بسببكم لكن المسامح كريم انا باغلي

النهاردة عملت العيش الشامي جميل جدا و موفر بنص كيلو دقيق ب 2.5 عمل معايا 14 رغيف حجم كويس مش قد قرص الدوا و الواحد بنشترية ب35 قرش و انضف و احلي كمان

المقادير :*****
نصف كيلو دقيق + ملعقة خميرة
ملعقة سكر+ رشة ملح ماءدافي للعجن + 2 ملعقة زيت


الطريقة :****
بنخلط الدقيق و الخميرة و السكر و رشة الملح سوا و نعجن بماء دافي لغاية ما نلم العجينة نعجن شوية


و نضيف معلقتين الزيت و نعجن كويس جداااااااااا لما يبان لها صاحب و العجينة بتبقى يابسه شوية






بعد كدة بنقطعها في صينية مرشوشة دقيق كور قد البيضة و نرش فوقها دقيق و نسيبها تخمر كويس تقريبا مدة ساعة




بعد كدة بنفردها كويس علة رشة دقيق و نفرد كل الكمية و نعد ما نخلص نسخن طاسة تيفال كويس قوي على البةتجاز من فوق و نبتدي نسوي اول رغيف فردناه











و دي الكمية كلها يا بنات بعد ما تبرد بكيسها و على الفريزر و تخرج تفك او في الميكروويف كأنة لسة مخبوز حالا




و دة قلبة من جوة مستوي و ابيض زي الفل احلى ابتسامة



ياريييييييييييت تجربوة بجد سهل و تحفة كفاية انه من ايدك و ضامنة نضافتة و التقييم امااااانة قدروا تعب البني ادمين يا جماعةحزينة
و الى اللقاء في نوع عيش جديد بمناسبة المدرسة